新聞類別
副刊
詳情#
【明報專訊】立會選舉結果塵埃落定，唔少參選人都開始謝票，有新當選嘅新丁仲畀人翻舊片出嚟，其中超區票王鄺俊宇9年前跳舞嘅片段，同埋新民黨容海恩喺活動上面獻唱嘅短片都喺突然瘋傳，唔少人要求鄺俊宇謝票要跳街舞，結果一眾網民爭取成功，噚日鄺俊宇喺旺角行人專用區跳舞找數。
話說網民瘋傳鄺俊宇9年前一段跳「精武門」影片，希望佢可以跳舞謝票。鄺俊宇原本只喺facebook貼相找數，解釋當年首份工係做青少年中心，當時以舞蹈同青少年溝通，因為「舞蹈是最好的語言」。
只跳5秒 網民促跳49萬秒
噚日傍晚鄺俊宇就去到旺角行人專用區，用埋fb直播跳舞，一開始跳咗唔夠5秒，佢話「好啦，跳完啦，走」，現場圍觀者似乎唔滿意，又話佢只係對住某一面跳，睇唔到，要求佢再跳過，結果佢再跳多一個動作一次，然後話「各位，我找咗數啦，唔好再追我數，但會應承大家，會keep住聆聽民意！」
網民似乎唔夠喉，有人「跪求立會開大會再跳」，仲話佢應該起碼跳番「49萬秒」。
又有網民發現，原來新民黨容海恩都「唱得兩嘴」，喺YouTube有幾段容海恩2014年一個音樂會唱歌片段，Pretty Woman、《情非得已》、《夢伴》……新歌、舊歌、中文歌、英文歌都難唔到佢，唔知容海恩又會唔會唱歌謝票呢？
話說網民瘋傳鄺俊宇9年前一段跳「精武門」影片，希望佢可以跳舞謝票。鄺俊宇原本只喺facebook貼相找數，解釋當年首份工係做青少年中心，當時以舞蹈同青少年溝通，因為「舞蹈是最好的語言」。
只跳5秒 網民促跳49萬秒
噚日傍晚鄺俊宇就去到旺角行人專用區，用埋fb直播跳舞，一開始跳咗唔夠5秒，佢話「好啦，跳完啦，走」，現場圍觀者似乎唔滿意，又話佢只係對住某一面跳，睇唔到，要求佢再跳過，結果佢再跳多一個動作一次，然後話「各位，我找咗數啦，唔好再追我數，但會應承大家，會keep住聆聽民意！」
網民似乎唔夠喉，有人「跪求立會開大會再跳」，仲話佢應該起碼跳番「49萬秒」。
又有網民發現，原來新民黨容海恩都「唱得兩嘴」，喺YouTube有幾段容海恩2014年一個音樂會唱歌片段，Pretty Woman、《情非得已》、《夢伴》……新歌、舊歌、中文歌、英文歌都難唔到佢，唔知容海恩又會唔會唱歌謝票呢？
回應 (0)
