8月水頭足 總雨量多23％

【明報專訊】夏天為大地帶嚟雨水，天文台話啱啱過去咗嘅8月雨水特別多，總雨量有532.7毫米，比正常值432.2毫米多咗大約23％。而今年頭8個月嘅累積雨量有1941.4毫米，較同期正常數值1905.5毫米多約2%。落得雨多，8月嘅陽光亦偏少，總日照時間為148.5小時，較正常數值188.9小時少約21％。


天文台解釋，強烈熱帶風暴妮妲同熱帶風暴電母分別喺月初同月中掠過香港，為本港帶來狂風驟雨。而8月9號高溫引發嘅驟雨同強雷暴就為本港帶嚟超過4000幾次雲對地閃電，之後仲落足7日雨。8月之內，天文台一共發出7次黃色同兩次紅色暴雨警告信號。妮妲吹襲期間，曾經懸掛8號風球，打工仔仲多咗半日假期