復星郭廣昌：P2P是「耍流氓」

【明報專訊】復星國際（0656）在金融領域投資多多，但都啲睇唔上眼嘅投資。噚日業績會上，董事長郭廣昌被問到復星係咪涉足P2P（個人對個人網貸平台），其實只需答「係」同「唔係」就得，但郭廣昌語出驚人，話自己「從來不看好P2P，基本上都是騙局」，又話任何金融企業都要有風險定價能力（簡單來講，就是質素好嘅客先可以用較優惠利率借錢），而P2P平台無呢個能力，「在做的都是耍流氓」！


兩年前仲大讚P2P

不過睇番資料，復星早舊年成立咗一個類似P2P嘅互聯網金融平台，仲被內地媒體踢爆郭廣昌兩年前講過，P2P將彌補中國金融體系不足云云。點解突然之間態度轉晒？唔通同近日內地政府嚴打P2P有關？


[小琴密語]