范太拍片叫人「考慮」周浩鼎

【明報專訊】仲有10日就係立法會選舉日，各候選人都開始出動政治明星為自己催票，民建聯副主席周浩鼎為力爭「超級區議會」嘅最後一席，除咗前律政司長梁愛詩，前晚又推出一條由全國人大常委范徐麗泰同佢一齊拍嘅短片。


范太喺片中與周浩鼎對談，先問對方有咩政綱，周浩鼎介紹完後，范太就逐點評價話3點政綱都唔錯，周浩鼎就同范太講，好希望佢可以幫手向朋友呼籲吓。范太就話阿鼎係年輕有為嘅律師，好開心見到對方全心參選，「希望你哋都考慮一下佢啦」。成段說話范太無叫人投票或支持周浩鼎，只叫人考慮，范太嘅呼籲會唔會太含蓄呢？立法會選舉候選名單見附圖。