新聞類別
財經
詳情#
【明報專訊】早排蘋果宣布推出Apple Pay時，唔少用家試用後都大讚方便，話覺得同八達通差唔多。不過，金管局噚日喺《匯思》出咗篇文，話原來Apple Pay係唔屬於儲值支付工具，唔使預先入錢，所以唔使向金管局領牌㗎！
金管局助理總裁（貨幣管理）鄭發就話，家市面上好多種電子支付工具，大致上可以分為儲值同非儲值兩大類。顧名思義，儲值支付工具要消費者先存錢入戶口，交易時再扣數，八達通就屬於呢類，所以要申領儲值支付工具牌照；但Apple Pay用戶係通過手機將信用卡資料加密後，再傳送畀商戶進行支付，並無儲值功能，所以唔使領牌。
佢又話，金管局鼓勵金融科技創新之餘，並唔會因為係高科技產品而寬鬆啲監管，強調會以「風險為本」同「科技中立」為原則。雖然香港嘅支付工具仍然有待發展，但小琴就覺得，涉及錢銀嘅嘢都係監管嚴密啲好，咁樣先會用得安心㗎嘛！
email: piano@mingpao.com
[小琴密語]
金管局助理總裁（貨幣管理）鄭發就話，家市面上好多種電子支付工具，大致上可以分為儲值同非儲值兩大類。顧名思義，儲值支付工具要消費者先存錢入戶口，交易時再扣數，八達通就屬於呢類，所以要申領儲值支付工具牌照；但Apple Pay用戶係通過手機將信用卡資料加密後，再傳送畀商戶進行支付，並無儲值功能，所以唔使領牌。
佢又話，金管局鼓勵金融科技創新之餘，並唔會因為係高科技產品而寬鬆啲監管，強調會以「風險為本」同「科技中立」為原則。雖然香港嘅支付工具仍然有待發展，但小琴就覺得，涉及錢銀嘅嘢都係監管嚴密啲好，咁樣先會用得安心㗎嘛！
email: piano@mingpao.com
[小琴密語]
留言 (0)
