被質疑會計實戰經驗少 梁繼昌曬文憑還擊

【明報專訊】今年功能組別選舉競爭競烈，出選會計界嘅陳弘毅日前接受報章訪問，報道形容陳「暗諷」競逐連任、同時有律師同會計師資格嘅梁繼昌，近年只係專注法律工作，會計實戰經驗少，並引述陳質疑對方唔識為業界爭取利益。


梁繼昌噚日就喺facebook，上載自己早於1983年喺理工學院讀會計文憑、攞到優異嘅成績表「還擊」。梁繼昌話，最近到訪唔同會計師行，發現唔少會計師都係「同門出身」，回憶當年讀會計，一班30幾人，女學生只佔少數，但現時已經多咗女性入行，形容好多女會計師都「獨當一面」。


梁繼昌不忘乘機宣傳，話隔咗咁多年，會計業生態已經唔同，但只要香港經濟保持多元發展，自己對會計業發展前景仍然樂觀，而香港喺培育高質素嘅會計人才亦不能鬆懈。