候任美國總領事唐偉康：稱香港為家令人興奮

【明報專訊】候任美國駐香港及澳門總領事唐偉康（Kurt Tong）將會喺今個月底履新。唐偉康雖然人未到香港，但已經喺facebook透過短片同大家打招呼，仲用廣東話講「大家好」、「香港見」。


美國駐香港及澳門總領事館喺facebook上載唐偉康嘅自我介紹短片，唐偉康話曾經同太太以及仔女一齊嚟過香港幾次，覺得香港係一個特別嘅城市，仲賣口乖話，「如今有機會把Fragrant Harbour（香港）稱為我們的家真令人興奮」。


唐偉康又話，自己自小喺美國麻省西部嘅小鎮長大，學生時代曾經喺亞洲度過，之後亦喺亞洲過咗多年嘅外交生涯。