梁粉陳啟宗撐特朗普

【明報專訊】中央政策組不時舉行內部座談會，邀請嘉賓就唔同時事議題發表意見，噚日就請到「梁粉」、恒隆集團董事長陳啟宗就「21世紀的中美關係」講吓睇法，Emily聽聞陳啟宗亦有分享對美國大選嘅睇法，仲話自己支持共和黨候選人特朗普。


Emily聽聞，陳啟宗呢個talk，政務司長林鄭月娥、特首辦主任邱騰華、教育局長吳克儉、立法會主席曾鈺成等都係座上客。有與會者透露，陳啟宗席間分析，佢撐特朗普多過民主黨候選人希拉里，因為覺得特朗普簡單直接，坦白講出觀點，相對容易應付；希拉里就比較工心計。


至於香港嘅選戰，陳啟宗未有大力唱好特首梁振英，佢席間就話自己係講美式英文，曾主席係講英式英文。有與會者話，唔知陳啟宗係咪有弦外之音，但就認為曾主席係講本土英文多啲喇。


話曾鈺成講英式英文

另外，立法會議員林大輝上次特首選舉時係唐英年陣營嘅要員，早前佢就表態，話情感上支持財政司長曾俊華做特首，林大輝噚日出席電台節目時，就話如果有能力更高嘅人選特首，佢就唔會投畀梁振英；如果其他候選人比梁振英能力更低、更無誠信，佢就會投畀梁振英喎。


至於對曾主席嘅態度，大輝話對方無法解決議會問題，懷疑他將來點去解決香港問題。