新聞類別
財經
詳情#
【明報專訊】恒隆地產（0101）主席陳啟宗的長子陳文博（圖），作為家族第三代，表現一向低調。不過噚日恒隆地產罕見喺酒店搞個「綠寶石客戶服務獎」，唔單止由董事總經理陳南祿同陳文博操刀主持頒獎，開始見吓人，會後更由陳文博親自見記者。
升做助理董事 度橋改善商場
佢話，由高級經理升為助理董事（董事辦公室）後，不單要做番原來嘅體驗、服務及科技（EST）運作，亦要兼顧內地項目建設同建築。佢仲話，要做好商場，自然要增加數碼化投資，例如搞吓顧客關係管理（CRM）同貴賓服務，又要喺facebook同微信做吓推廣，甚至搞啲迷你遊戲吸吓客仔。除咗好似同行咁增加餐飲及限時特定店，亦視乎每個商場定位，增加髮廊、美甲及水療等服務吸客。恒隆啱啱喺上海好揼本改善兩個商場，佢話主要係改善商場佈局，但就會維持做高檔零售，具體改成點，佢就賣關子，叫小琴留意住喎。
email: piano@mingpao.com
[小琴密語]
升做助理董事 度橋改善商場
佢話，由高級經理升為助理董事（董事辦公室）後，不單要做番原來嘅體驗、服務及科技（EST）運作，亦要兼顧內地項目建設同建築。佢仲話，要做好商場，自然要增加數碼化投資，例如搞吓顧客關係管理（CRM）同貴賓服務，又要喺facebook同微信做吓推廣，甚至搞啲迷你遊戲吸吓客仔。除咗好似同行咁增加餐飲及限時特定店，亦視乎每個商場定位，增加髮廊、美甲及水療等服務吸客。恒隆啱啱喺上海好揼本改善兩個商場，佢話主要係改善商場佈局，但就會維持做高檔零售，具體改成點，佢就賣關子，叫小琴留意住喎。
email: piano@mingpao.com
[小琴密語]
留言 (0)
