新聞類別
港聞
詳情#
【明報專訊】「祥仔最新近况，好無奈，今朝醫生同我睇片，我左肝有小小問題，都係唔得……」袁偉祥的同袍Woody Chan原已通過驗血等測試，幾可捐肝，最後關頭卻發現肝臟有問題而不適合捐贈。他昨日在facebook留言嘆無奈，多名好友紛紛回應，讚他的無私奉獻令人敬佩。
袁偉祥肝臟爆裂命懸一線，其同袍好友在facebook網站開設群組「緊急捐肝呼籲拯救關員袁偉祥」，希望召集有心人接受驗血測試。袁偉祥的同袍Woody Chan亦決定捐肝，他前日在facebook留言﹕「一個決定，好需要家人嘅支持。在天上慈愛嘅父，深切期望你嘅垂聽及支持，但不要行我哋嘅意思，乃係行你嘅旨意！」
「左肝有少少問題」
他至昨午再留言，表示因肝臟問題不能捐肝﹕「我左肝有小小問題，都係唔得，正有第二位同事預備中，不過今朝知道祥仔現况有好轉，水腫已減退中，我哋繼續同祥仔打氣呀！」他之後又說﹕「或者我哋有時間可以去捐血先呀！先充實血庫嘅存量，咁樣未必直接幫到祥仔，但係亦可以幫到其他有需要嘅人士！我會打算聽日或後日去捐血，各位如在時間上許可，亦可一齊進行！」
好友同袍留言支持
雖然Woody Chan不適合捐肝，但不少好友和同袍紛紛表示支持他﹕「Woody兄，你的大愛令小弟深深感動！這是無私的奉獻……令人佩服！希望這位師兄吉人天相！很感動，很感激，您給我們打下強心針，您們都要加油！」、「你的第一步，已喚醒所有有心人，志仔做得好！」、「你嘅勇氣，真係偉大……我自問都唔得……我真以你為榮！」
回應 (0)
