新聞類別
財經
詳情#
【明報專訊】本港零售市道慘慘豬，不過救世主可能已經駕到。Pokémon GO大熱，置富產業信託（0778）主席趙國雄噚日話，如果喺街邊捉小精靈會阻住人行街，不如去置富旗下商場，捉攰咗仲可以休息。講得咁隱晦，係咪諗緊同Pokémon合作搞旺個場？佢就話未諗過，驚啲精靈訓練員掛住捉嘢唔幫襯生意。
雖然你唔搞，其他商場又點會放過咁大商機。太古城、海港城、apm等都已經喺facebook上不斷更新公告小精靈出現位置，信和（0083）旗下奧海城、荃新天地、尖沙嘴中心更利用遊戲道具提高小精靈出現率，希望增加商場人流。觀塘apm準備下月就搞Pokémon主題電玩體驗館，海洋公園都話諗緊同Pokémon合作。睇嚟打救香港零售，真係要旨意比卡超。
上半年消費信心低迷，環境困難，不過老趙就預計下半年氣氛回升，主要原因係英國脫歐及美國極可能唔加息，又強調本地民生商舖先會有起色，置富經營嘅屋邨商場，係與社區居民同步發展、同舟共濟。
[小琴密語]
雖然你唔搞，其他商場又點會放過咁大商機。太古城、海港城、apm等都已經喺facebook上不斷更新公告小精靈出現位置，信和（0083）旗下奧海城、荃新天地、尖沙嘴中心更利用遊戲道具提高小精靈出現率，希望增加商場人流。觀塘apm準備下月就搞Pokémon主題電玩體驗館，海洋公園都話諗緊同Pokémon合作。睇嚟打救香港零售，真係要旨意比卡超。
上半年消費信心低迷，環境困難，不過老趙就預計下半年氣氛回升，主要原因係英國脫歐及美國極可能唔加息，又強調本地民生商舖先會有起色，置富經營嘅屋邨商場，係與社區居民同步發展、同舟共濟。
[小琴密語]
留言 (0)
