戴耀廷都推確認書 撐26 27 39條

【明報專訊】選管會今年新增「確認書」，要求立法會參選人簽署，聲明擁護包括香港是中國不可分離一部分等嘅《基本法》條文，惹來唔少風波，有人質疑捍衛基本法，當然係所有條文都要捍衛，而唔係抽幾條出嚟講。港大法律學者、佔中發起人戴耀廷噚日就喺facebook提出另類確認書，話非常清楚明白擁護基本法，包括26、27及39條。戴教授話佢就簽咗喇，認為所有港人都應該簽，否則有理由懷疑佢唔係真心擁護基本法！


戴教授籲大家﹕like咗當簽咗

呢幾條基本法係咩呢？第26條就講香港永久居民依法享選舉權及被選舉權；27條就講市民有言論、新聞、出版、結社、遊行等自由；組織同參加工會、罷工嘅權利同自由。39條就係《公民權利和政治權利國際公約》適用於香港嘅有關規定繼續有效，通過香港法律予以實施。戴教授話邊個like佢呢個post就當簽咗，一晚已經有成500人like咗喇。