8月26日壽星 免費搭港鐵

【明報專訊】港鐵主席馬時亨上任後話想市民「搭得開心啲」而推行嘅「開心搭•生日獎」，噚日已經舉辦第五次，邀請樂壇天后容祖兒（Joey）做嘉賓，抽出8月份「生日之星」，結果由8月26日生日嘅幸運兒中獎。


佢哋可以獲贈一張特別設計嘅「HappyBirthday全日通」車票、一張50蚊港鐵商場現金券同其他商戶優惠券，得獎者要喺8月內任何一個星期日，朝早11點至下晝6點去港鐵站換領處，憑身分證攞獎品。Joey噚日抽獎時講笑話，自己細個搭地鐵多過食飯，但家就少搭咗。


另外，為咗迎接即將舉行嘅里約熱內盧奧運，港鐵邀請咗奧運乒乓球銀牌得主李靜，同埋世界冠軍保齡球手胡兆康，擔任9月份抽獎活動嘅主禮嘉賓。