港老牌券商撞名 要向平保讓路

【明報專訊】小琴聽聞，多年前有一隻止瀉藥將名字註冊為「瀉停封」（與「謝霆鋒」普通話發音相近）而惹上官非。攀龍附鳳的做法在上市公司當中也不罕見，不過，今年3月改名為「平安證券集團（控股）有限公司」的盛明國際（0231），望落去投資者或會誤以為呢間公司係內地保險業龍頭中國平安（2318）嘅旗下公司。但其實真係咁橋「撞名」，皆因盛明去年3月收購嘅券商「平安證券」已經喺香港開業近廿年。


不過，早已有傳平保想分拆旗下證券業務子公司在港上市，嗰名就叫「平安證券股份有限公司」，所以平保喺去年底，已經透過法律顧問發函給該公司，聲稱該公司建議更改公司名稱有影射之嫌。


結局如何？香港公司註冊處已經喺6月30日要求呢間本土版「平安證券（原名盛明國際）」在兩個月內棄用此名稱。


[小琴密語]