會計界Kenneth撼Kenneth 「陳弘毅」撞完中文名撞洋名

【明報專訊】立法會選舉已開始報名，會計界將會出現Kenneth同Kenneth對撼嘅情况，因為現任議員梁繼昌及其挑戰者陳弘毅，同樣都叫Kenneth。大家亦唔好搞錯，此陳弘毅並非港大法律學者陳弘毅，係咪好混亂呢，但呢個叫Kenneth嘅陳弘毅話，無論係佢中文定英文名，佢都好鍾意，絕對唔會改名咁話。


會計界陳弘毅噚日宣布參選時，就以「我唔係喺律師樓工作嘅Kenneth，而係喺會計師樓工作嘅Kenneth」，以示佢同梁繼昌嘅分別。至於中文名，佢承認呢個名的確比較少人用，所以出席活動時，都不時發生佢個名喺出席名單上、但被誤會法律界陳弘毅會到場嘅情况，佢話爸爸幫佢改呢個名，係希望佢有遠大抱負、堅強意志。