新聞類別
副刊
詳情#
【明報專訊】人稱「千福BB」嘅美國駐港總領事夏千福（圖右）即將卸任，佢噚日喺facebook專頁搞直播問答，同網民互動。回顧3年任期，佢大讚香港係除咗三藩市之外佢最鍾意嘅城市，「錦田打醮」同觀音開庫等就係佢最難忘嘅事物，笑言已問觀音借咗1000億。
夏千福因為經常落區而被冠以「千福BB」稱號，但原來佢最初見到「千福BB」嘅英文直譯Clifford baby時，即時打冷震，後來同事解釋畀佢聽，佢先知道「千福BB」喺廣東話有正面同友善意思，就鍾意咗呢個稱號，感謝大家幫佢起呢個名。
講完趣事要講吓正經嘢，夏千福話美國非常支持一國兩制，形容一國兩制對香港嘅成功同向前邁進不可或缺。咁卸任後有咩計劃呢？有33年外交經驗嘅夏千福話下星期就會返美國，並離開外交圈，佢會喺8月再臨香江，但到時就會轉投私人市場工作。佢形容8月接任總領事一職嘅唐偉康係好好嘅人（great guy）。去到直播尾聲，「千福BB」就以廣東話同網民講﹕「後會有期！」
夏千福因為經常落區而被冠以「千福BB」稱號，但原來佢最初見到「千福BB」嘅英文直譯Clifford baby時，即時打冷震，後來同事解釋畀佢聽，佢先知道「千福BB」喺廣東話有正面同友善意思，就鍾意咗呢個稱號，感謝大家幫佢起呢個名。
講完趣事要講吓正經嘢，夏千福話美國非常支持一國兩制，形容一國兩制對香港嘅成功同向前邁進不可或缺。咁卸任後有咩計劃呢？有33年外交經驗嘅夏千福話下星期就會返美國，並離開外交圈，佢會喺8月再臨香江，但到時就會轉投私人市場工作。佢形容8月接任總領事一職嘅唐偉康係好好嘅人（great guy）。去到直播尾聲，「千福BB」就以廣東話同網民講﹕「後會有期！」
留言 (0)
