新聞類別
副刊
詳情#
【明報專訊】小朋友抵抗力差，病都係平常事，所以仔女病嘅時候，Mama都唔會特別緊張，諗住睇吓醫生就搞掂，甚至會畀啲上次食剩嘅藥畀佢哋食，以為都係差唔多啦。直至最近發生一件事，令Mama以後唔敢再掉以輕心！話說Mama有個朋友，佢兩歲嘅囝囝發燒，竟然成個星期都唔退，維持喺攝氏39度以上。後來醫生證實，佢患咗一種叫川崎症嘅病，嚴重起上嚟可以引致心血管病同致命㗎。好在知道咩病，就可以對症下藥，佢打針、食藥之後，體溫終於慢慢下降，但已經嚇到爸爸媽媽一額汗。
川崎症、猩紅熱可奪命
原來發燒可以咁大件事，Mama聽完之後不知幾擔心，即刻搵兒科專科醫生劉成志，請教一下，小朋友發起燒上嚟，點樣分辨佢係普通傷風感冒，定係有其他病呢？劉醫生話，首先要留意體溫，攝氏38度以下嘅低燒，一般問題都唔大，唔會係好嚴重嘅疾病。
如果高燒持續三日以上，就要好小心處理，睇吓小朋友身體有冇其他異常情况。以川崎症為例，患者以5歲以下小朋友為主，病徵包括紅眼、唇腫或乾裂、手腫、頸部淋巴腺突然腫大、出紅疹，最特別之處係，紅疹會出現喺卡介苗注射位置附近。發燒再加上四、五種上述徵狀，代表小朋友好可能患有川崎症，要及早打免疫球蛋白針、食阿斯匹靈。錯過咗頭10日黃金治療期，出現併發症嘅風險就大好多，直接影響心臟、血管！
除咗川崎症，另一樣較嚴重嘅病係猩紅熱，太遲求醫嘅話，有可能導致中毒性休克，都係會致命㗎。咁猩紅熱有咩徵狀呢？通常喺開始發燒嘅第二日，扁桃腺附近位置會出現紅疹，紅疹形狀唔係常見嘅一點點，而係大片大片，所以家長好容易發現到。發現之後，頭一兩日盡快帶小朋友求醫，只要食抗生素就可以好返。
不過，最令劉醫生擔心嘅係肺炎。肺炎有生命危險，又冇乜臨牀病徵，家長靠肉眼都幾難觀察，要照X光先見到。所以都係嗰句，唔好忽視小朋友發燒，有咩唔妥就要睇醫生，檢查清楚呀！
川崎症、猩紅熱可奪命
原來發燒可以咁大件事，Mama聽完之後不知幾擔心，即刻搵兒科專科醫生劉成志，請教一下，小朋友發起燒上嚟，點樣分辨佢係普通傷風感冒，定係有其他病呢？劉醫生話，首先要留意體溫，攝氏38度以下嘅低燒，一般問題都唔大，唔會係好嚴重嘅疾病。
如果高燒持續三日以上，就要好小心處理，睇吓小朋友身體有冇其他異常情况。以川崎症為例，患者以5歲以下小朋友為主，病徵包括紅眼、唇腫或乾裂、手腫、頸部淋巴腺突然腫大、出紅疹，最特別之處係，紅疹會出現喺卡介苗注射位置附近。發燒再加上四、五種上述徵狀，代表小朋友好可能患有川崎症，要及早打免疫球蛋白針、食阿斯匹靈。錯過咗頭10日黃金治療期，出現併發症嘅風險就大好多，直接影響心臟、血管！
除咗川崎症，另一樣較嚴重嘅病係猩紅熱，太遲求醫嘅話，有可能導致中毒性休克，都係會致命㗎。咁猩紅熱有咩徵狀呢？通常喺開始發燒嘅第二日，扁桃腺附近位置會出現紅疹，紅疹形狀唔係常見嘅一點點，而係大片大片，所以家長好容易發現到。發現之後，頭一兩日盡快帶小朋友求醫，只要食抗生素就可以好返。
不過，最令劉醫生擔心嘅係肺炎。肺炎有生命危險，又冇乜臨牀病徵，家長靠肉眼都幾難觀察，要照X光先見到。所以都係嗰句，唔好忽視小朋友發燒，有咩唔妥就要睇醫生，檢查清楚呀！
留言 (0)
