劉鳴煒獲小畫家贈肖像

【明報專訊】中環遮打花園噚日好熱鬧，除咗外傭聚會，仲多咗逾500名本港與外國青年玩集體創作油紙傘。呢個活動由「藝育菁英」基金會主辦、青年事務委員會贊助，主辦單位話油紙傘係中國傳統物品，除咗用嚟擋陽遮雨，喺嫁娶婚俗禮儀之中同樣不可或缺，所以想透過呢次活動，將青年心目中美麗嘅香港繪畫喺傘上，並拼合成大型藝術裝置，宣揚正能量。青年事務委員會主席劉鳴煒（左）都參與活動，仲收到禮物，由參加者之一、小畫家劉見之幫佢繪畫肖像圖。