新聞類別
財經
詳情#
【明報專訊】California FITNESS黃埔分店突然摺埋，清盤消息愈傳愈熱烈，今次甚至驚動埋金管局提早出馬，不過金管局唔係幫手清盤，而係提供理財小百科。噚日金管局《匯思》提到，如果顧客係授權類似健身公司這類商戶以信用卡自動轉帳，可先寫一份「書面指示」畀商戶要求取消授權，若商戶無回應，顧客就可以向發卡銀行提供書面指示嘅副本，要求銀行協助聯絡商戶攞番相關款項同提出終止轉帳。
金管局助理總裁（銀行操守）朱立翹解釋，如果市民係用銀行卡設定自動轉帳，做法就不一樣，事關用銀行戶口做自動轉帳嘅話，當初係向銀行授權做轉帳，所以取消時都要向銀行接洽，直接提出取消自動轉帳嘅授權。
朱立翹提醒，就算顧客取消咗給予商戶嘅直接付款授權，唔代表同時取消咗顧客同商戶訂立嘅服務合約或同會籍相關嘅合約條款，而且有啲顧客鍾意用信用卡分期付款計劃預繳會費，意味顧客向銀行借錢，如果商戶期間倒閉，顧客仍然有責任每月向銀行還款，但可以按信用卡機構規則來申請退還餘款。
[小琴密語]
金管局助理總裁（銀行操守）朱立翹解釋，如果市民係用銀行卡設定自動轉帳，做法就不一樣，事關用銀行戶口做自動轉帳嘅話，當初係向銀行授權做轉帳，所以取消時都要向銀行接洽，直接提出取消自動轉帳嘅授權。
朱立翹提醒，就算顧客取消咗給予商戶嘅直接付款授權，唔代表同時取消咗顧客同商戶訂立嘅服務合約或同會籍相關嘅合約條款，而且有啲顧客鍾意用信用卡分期付款計劃預繳會費，意味顧客向銀行借錢，如果商戶期間倒閉，顧客仍然有責任每月向銀行還款，但可以按信用卡機構規則來申請退還餘款。
[小琴密語]
回應 (0)
