遲攞大紫荊﹖ 林鄭：無攞會被大做文章

【明報專訊】前日公布政務司長林鄭月娥可以攞最高榮譽大紫荊勳章，佢出席特區成立19周年酒會之後話，攞大紫荊係佢35年公務員生涯嘅榮譽，但係自己上任政務司長4年先獲授勳，反觀歷任司長級官員上任一兩年就已有得攞……可能唔想其他人咁多聯想，林鄭即時補充﹕唔係話「好唔抵」嘅問題，反映評審制度無問題。佢仲話無授勳反而會畀傳媒大做文章。


Emily聽到林鄭咁講，都好有興趣睇番歷任政務司長幾時攞大紫荊（見表）。翻查資料，陳方安生、許仕仁同唐英年都係上任兩年就攞到，曾蔭權同林瑞麟仲快，一年就攞大紫荊。


被問到自己同時係授勳遴選委員會主席有無衝突，林鄭強調政府授勳機制有非常嚴格避嫌規矩，佢無參與過自己獲授勳嘅討論同決定，叫大家唔使懷疑。