新聞類別
財經
詳情#
【明報專訊】林鄭之後，梁特緊接向領展(0823)開火叫陣，話就話現階段唔諗連任，但高調強打民粹牌，已經完全進入爭取連任狀態。「一國兩制」保障香港繼續奉行資本主義，領展係私人公司，CEO向董事局負責，董事局向股東負責，梁特作為政府首長，手握公權力，公然話私人公司管理層嘅首要任務係社會責任，還對CEO的薪酬待遇指指點點，直接干預公司內部事務，即使他有如何堂皇的理由，也無法掩飾民粹的本質，不禁叫人反問：香港是否還奉行資本主義？
《南華早報》一連兩日刊登梁特的獨家專訪，不少話題值得咀嚼。全香港最關心嘅話題，當然係梁特幾時會宣布連任。記者問他會否喺9月立法會選舉行才決定是否參選，梁特的答案很簡單：「May not be as early as September」，即係唔會喺9月之前決定，其實無乜特別，但佢事隔一日又要出新聞稿澄清，強調是否競選連任，同立法會選舉無關，百分百係「此地無銀」嘅典範，再一次當香港人係傻仔。
連任表態恐影響立會選情
早前中策組被踢爆為立法會選舉做民調，主題之一就係候選人對於梁特連任嘅立場，會否影響選民嘅投票取向，結果有六成人表示重視候選人對梁特連任嘅立場，可見得是否支持梁特連任，幾乎肯定會成為9月立法會選舉的單一議題，梁特必須將立法會選舉和自己連任切割，否則其低民望無論最終有否拖累建制派的選情，在建制派必然會減少議席的預測下，亦要避免讓自己變成對方落敗的藉口。
上屆選舉 9月時已聲言「備選」
梁特喺《南早》訪問中話，自己在2011年都係到11月先決定參選，但其實香港人都仲記得，當年指佢有意選特首嘅消息，喺2011年頭已經傳到街知巷聞，到9月初已經自創出「備選」呢個咁有創意嘅詞語，仲話希望特首選舉有「君子之爭」，半個月後就搶閘辭去行會召集人職務，未正式宣布參選，只係為咗避免開始計算競選經費。
後來梁特喺11月28日宣布參與特首，12月2日就私底下同UGL簽約收取5000萬元報酬，因為已經唔係行會成員，法例亦無要求參選人申報，5000萬自以為可以袋袋平安，怎知後來竟然被澳洲傳媒踢爆。筆者嘗試「重組案情」，只係想讀者睇清楚當年嘅事件經過。
望選民勿斷送「資本主義」制度
面對梁特發炮，領展管理層沒有選擇啞忍，反駁「社會責任」（social responsibility）不同「福利」（social welfare），領展作為一家私人公司，無責任提供福利。領展的回覆是得體的，可惜原罪太深，在選舉年面對梁特和一眾政客的民粹攻擊，的確不容易應付。
英國的優質民主制度帶來了不能逆轉的Brexit，希望香港的劣質政治，不會斷送我們賴以成功的資本主義。阿們。
[應正亮 廿四味]
《南華早報》一連兩日刊登梁特的獨家專訪，不少話題值得咀嚼。全香港最關心嘅話題，當然係梁特幾時會宣布連任。記者問他會否喺9月立法會選舉行才決定是否參選，梁特的答案很簡單：「May not be as early as September」，即係唔會喺9月之前決定，其實無乜特別，但佢事隔一日又要出新聞稿澄清，強調是否競選連任，同立法會選舉無關，百分百係「此地無銀」嘅典範，再一次當香港人係傻仔。
連任表態恐影響立會選情
早前中策組被踢爆為立法會選舉做民調，主題之一就係候選人對於梁特連任嘅立場，會否影響選民嘅投票取向，結果有六成人表示重視候選人對梁特連任嘅立場，可見得是否支持梁特連任，幾乎肯定會成為9月立法會選舉的單一議題，梁特必須將立法會選舉和自己連任切割，否則其低民望無論最終有否拖累建制派的選情，在建制派必然會減少議席的預測下，亦要避免讓自己變成對方落敗的藉口。
上屆選舉 9月時已聲言「備選」
梁特喺《南早》訪問中話，自己在2011年都係到11月先決定參選，但其實香港人都仲記得，當年指佢有意選特首嘅消息，喺2011年頭已經傳到街知巷聞，到9月初已經自創出「備選」呢個咁有創意嘅詞語，仲話希望特首選舉有「君子之爭」，半個月後就搶閘辭去行會召集人職務，未正式宣布參選，只係為咗避免開始計算競選經費。
後來梁特喺11月28日宣布參與特首，12月2日就私底下同UGL簽約收取5000萬元報酬，因為已經唔係行會成員，法例亦無要求參選人申報，5000萬自以為可以袋袋平安，怎知後來竟然被澳洲傳媒踢爆。筆者嘗試「重組案情」，只係想讀者睇清楚當年嘅事件經過。
望選民勿斷送「資本主義」制度
面對梁特發炮，領展管理層沒有選擇啞忍，反駁「社會責任」（social responsibility）不同「福利」（social welfare），領展作為一家私人公司，無責任提供福利。領展的回覆是得體的，可惜原罪太深，在選舉年面對梁特和一眾政客的民粹攻擊，的確不容易應付。
英國的優質民主制度帶來了不能逆轉的Brexit，希望香港的劣質政治，不會斷送我們賴以成功的資本主義。阿們。
[應正亮 廿四味]
回應 (0)
