王國興拍片讚好格仔恤

【明報專訊】工聯會立法會議員王國興畀公眾嘅印象，除咗係批評拉布「重炮手」，相信就係佢十年如一日嘅格仔恤衫打扮。有傳9月轉戰立會超區議席嘅王國興，噚日喺facebook貼短片「吸like」，片段經過特別剪輯，王國興大讚格仔恤「堅堅堅好」，又形容格仔恤上世紀50年代已經流行，「fashion嘅嘢係永恒」。


片段配以跳躍音樂，同著過格仔恤嘅中外娛圈體壇名人相片，包括劉德華、木村拓哉、碧咸、已故「貓王」皮禮士利，同幾個外國年輕偶像等。唔知大家又覺得王國興似唔似呢幾個型男呢？