施榮懷細仔 小鮮肉派傳單

【明報專訊】呢幾日香港持續高溫，正午烈日當頭，企耐啲都一身汗、好易中暑。不過Emily噚日喺中環街頭遇見中華廠商會永遠名譽會長施榮懷個細仔施仲樂（左），佢身水身汗，一邊舉住廣告牌一邊向行人派傳單，毫無公子架子。唔少人以為富家公子淨係識玩樂，原來喺美國大學讀緊一年班嘅佢，暑期返香港就喺親戚開嘅外賣速遞公司打工。可能見到「小鮮肉」派傳單，行人都好畀面接過單張。