「生化武器」突襲 田二少硬食

【明報專訊】田北辰立法會議員辦事處噚日傳出惡臭，田二少話噚日一班同事搞生日會，幫其中一名議助慶生，但呢個助理鍾意食榴槤，所以同事買咗一個「榴槤芝士蛋糕」返嚟。田二少話唔鍾意食榴槤嘅同事即刻退避三舍，仲話今次佢哋直情係挑戰緊立法會保安嘅底線，話好好奇呢個「榴槤炸彈」點樣可以通過立法會安全檢查！


田二少亦勇於接受挑戰，話自己試咗少少，蛋糕味道其實唔錯。佢哋慶生都拉埋政務，助理話生日願望係希望關注交通事務嘅田二少，可以爭取到一分錢一分貨嘅優質的士服務喎。