傑哥細仔畢業 一家蘇格蘭觀禮

【明報專訊】育有兩子一女嘅公民黨黨魁梁家傑出名錫仔女，雖然立法會臨近會期完結都好多會議，但佢最近都要向立法會請假，皆因要出席細仔喺蘇格蘭嘅大學畢業禮。傑哥話難得一家五口可以聚首一堂，特別珍惜。


一臉幸福嘅傑哥噚日喺facebook上載畢業禮相片，佢話仔女大咗，各有各忙，適逢幼子喺St. Andrews University畢業，大家可以齊集蘇格蘭。幼子同傑哥一個餅印，笑容一致。


傑哥好重視家庭，之前囡囡Jennifer演出莎士比亞劇場《王子復仇記》，巡迴全球205個國家演出時，傑哥會飛到唔同地方睇阿女表演㗎。