揭大埔天價維修 林卓廷：抹黑傳單出現

【明報專訊】民主黨總幹事兼反圍標大聯盟發言人林卓廷最近揭發大埔太和邨天價維修外牆工程，佢噚日喺facebook度透露，太和邨居民開業主大會前夕，就有關於佢嘅抹黑文宣出現。抹黑單張指身為業主嘅林卓廷，當年有份支持翠湖花園2.6億天價工程，但之後轉軚反對，質疑其動機。林卓廷噚日話，懷疑因為佢揭發太和邨天價工程，損害咗一小撮人嘅龐大利益，已預咗有人會反擊。


其實類似抹黑去年已出現過，當時翠湖花園業主立案法團嘅副主席話林卓廷推動翠湖工程「居功至偉」，話法團係按林嘅「高見」去招標搞工程。當時林卓廷已回應，話自己曾警告法團，工程有圍標風險，點知法團成員唔聽，仲質疑佢搞破壞。