新聞類別
副刊
詳情#
【明報專訊】走溫和路線嘅民主黨近年經常畀本土派攻擊，一直處於捱打狀態。不過銅鑼灣書店店長林榮基前日開記者會，獲得唔少人讚賞尊敬，而經常被網民恥笑做「AV仁」嘅民主黨何俊仁亦有唔少人大讚「做到嘢」，亦都令大家記得番仁哥喺人權方面嘅工作。林榮基喺記招話搵何俊仁幫手比搵政府更有保障，呢句說話幫唔少民主黨人出咗一口氣。
民主黨總幹事林卓廷大吐苦水話，民主黨過去幾十年工作唔係好似一啲本土派所講咁一事無成，又列舉好多香港大事，包括菲律賓人質事件、南丫島海難、斯諾登來港，民生方面有鉛水事件、反圍標等，都有民主黨人喺背後默默做嘢。佢話，民主黨搶鎂光燈未必叻，不過過往工作全部都有歷史證明。
阿廷慨嘆，林榮基決定公開今次「被失蹤」內情，其實係關乎生死存亡嘅問題，若果信唔過仁哥，「點敢將條命交畀你？」阿廷又話，其實「有事要搵民主黨」曾經係2008年嘅立法會競選口號，今次事件係最佳寫照。
學聯中大學生會讚林榮基 不遊行
經常批評傳統泛民政黨無甚作為嘅學生組織，都關注林榮基事件。學聯牽頭、中大學生會等團體聯署聲明，讚賞林榮基「置個人安危於度外，毅然召開記者會道出事件真相，寄語港人勿向強權屈服」。不過，中大學生會會長周竪峰就話，無計劃參與今日泛民搞嘅撐林榮基遊行，話同主辦單位無互信，又唔認同遊行係屬強烈反擊行動。至於佢哋又會點反擊呢？佢就話「未有規劃」。講開又講，中大學生會噚日亦喺校內搞咗個遊行，抗議特首係中大必然校監呢個制度，佢哋遊行完就散，唔知有無「強烈反擊」到政府呢？
民主黨總幹事林卓廷大吐苦水話，民主黨過去幾十年工作唔係好似一啲本土派所講咁一事無成，又列舉好多香港大事，包括菲律賓人質事件、南丫島海難、斯諾登來港，民生方面有鉛水事件、反圍標等，都有民主黨人喺背後默默做嘢。佢話，民主黨搶鎂光燈未必叻，不過過往工作全部都有歷史證明。
阿廷慨嘆，林榮基決定公開今次「被失蹤」內情，其實係關乎生死存亡嘅問題，若果信唔過仁哥，「點敢將條命交畀你？」阿廷又話，其實「有事要搵民主黨」曾經係2008年嘅立法會競選口號，今次事件係最佳寫照。
學聯中大學生會讚林榮基 不遊行
經常批評傳統泛民政黨無甚作為嘅學生組織，都關注林榮基事件。學聯牽頭、中大學生會等團體聯署聲明，讚賞林榮基「置個人安危於度外，毅然召開記者會道出事件真相，寄語港人勿向強權屈服」。不過，中大學生會會長周竪峰就話，無計劃參與今日泛民搞嘅撐林榮基遊行，話同主辦單位無互信，又唔認同遊行係屬強烈反擊行動。至於佢哋又會點反擊呢？佢就話「未有規劃」。講開又講，中大學生會噚日亦喺校內搞咗個遊行，抗議特首係中大必然校監呢個制度，佢哋遊行完就散，唔知有無「強烈反擊」到政府呢？
回應 (0)
