新聞類別
財經
詳情#
【明報專訊】馬雲（圖）本周金句「假貨比真貨好」，令中外網民無比震撼。而小琴發現，近日有間公司叫「阿里巴巴（全球）投資控股集團」喺香港成立——嘩！阿里巴巴喎，聽落來頭唔小啦，之不過原來呢間只算係A貨阿里，皆因呢間公司其實同馬雲無關。
話雖如此，「阿里巴巴（全球）投資控股集團」嘅搞作一啲都唔輸蝕，其亞太地區首席代表李炳辰之前同內地P2P公司鑫悅貸大鑼大鼓搞戰略合作。呢位李炳辰仲喺香港開多咗間「阿里巴巴全球影視傳媒集團」，直情跟住「真．阿里」嘅業務版圖走，間公司原本個名又係好有霸氣，叫「亞歐一帶一路產業投資（中國）亞幣金融控股集團」，唔知李生係咪因為「一帶一路」個名唔夠響，索性將公司名改埋做「阿里巴巴」，令公司業務運作更「順暢」。
註冊資本達100億
根據公司註冊處資料，呢間「阿里巴巴全球影視傳媒集團」註冊資本有成100億！咁係咪即係好有貨？小琴噚日就上過去呢間「阿里」個註冊地址，堂堂百億企業，香港註冊地址原來都係掛喺一間位於旺角商業大廈嘅商務秘書公司度。
有會計界朋友同小琴講，註冊資本呢樣嘢衰啲講句都係求其填個數，作不得準。會計朋友話，假設成立一間香港公司，註冊資本係1億，股東除咗真金白銀畀1億之外，亦可以選擇股東貸款踭住公司1億先，所以唔好話100億，填夠1000億都得。朋友仲話，過往有啲騙案，公司會特登填大啲個註冊資本，因為做生意時對手會做盡職調查，見到你咁多註冊資本自然都放心咗，結果中伏。
雖然呢間係山寨「阿里巴巴」，但係咪都可以根據馬雲式邏輯，判斷呢間A貨阿里「假貨比真貨好」？
email: piano@mingpao.com
[小琴密語]
話雖如此，「阿里巴巴（全球）投資控股集團」嘅搞作一啲都唔輸蝕，其亞太地區首席代表李炳辰之前同內地P2P公司鑫悅貸大鑼大鼓搞戰略合作。呢位李炳辰仲喺香港開多咗間「阿里巴巴全球影視傳媒集團」，直情跟住「真．阿里」嘅業務版圖走，間公司原本個名又係好有霸氣，叫「亞歐一帶一路產業投資（中國）亞幣金融控股集團」，唔知李生係咪因為「一帶一路」個名唔夠響，索性將公司名改埋做「阿里巴巴」，令公司業務運作更「順暢」。
註冊資本達100億
根據公司註冊處資料，呢間「阿里巴巴全球影視傳媒集團」註冊資本有成100億！咁係咪即係好有貨？小琴噚日就上過去呢間「阿里」個註冊地址，堂堂百億企業，香港註冊地址原來都係掛喺一間位於旺角商業大廈嘅商務秘書公司度。
有會計界朋友同小琴講，註冊資本呢樣嘢衰啲講句都係求其填個數，作不得準。會計朋友話，假設成立一間香港公司，註冊資本係1億，股東除咗真金白銀畀1億之外，亦可以選擇股東貸款踭住公司1億先，所以唔好話100億，填夠1000億都得。朋友仲話，過往有啲騙案，公司會特登填大啲個註冊資本，因為做生意時對手會做盡職調查，見到你咁多註冊資本自然都放心咗，結果中伏。
雖然呢間係山寨「阿里巴巴」，但係咪都可以根據馬雲式邏輯，判斷呢間A貨阿里「假貨比真貨好」？
email: piano@mingpao.com
[小琴密語]
回應 (0)
