冀改革功能界別 思言財雋三約譚志源不果

【明報專訊】傘後專業組織「思言財雋」早前收集到2000多個市民及金融從業員嘅簽名，支持從業員爭取喺立法會「金融界」同「金融服務界」嘅選民基礎上加入個人票。思言財雋話，過去曾3次約見政制及內地事務局長譚志源見面，希望表達意見，但都被拒絕。思言財雋噚日第四度寫信邀請譚志源見面，話唔會因為政府冷漠而放棄。


思言財雋喺facebook話，曾經喺今年2月、5月同6月邀約譚志源會面，但局方回覆話家唔會進行同政改相關嘅工作，所以拒絕邀請，局方亦以業界對於改革公司票制度「未有共識」為由，對將來改革功能界別拒絕作任何承諾。


思言財雋話唔會放棄，深信只要得到更多從業員支持，最終必定能促使政府廢除唔公義嘅功能界別制度。