冠君CEO：要我買唔到嘢嘅舖頭

【明報專訊】冠君產業信託（2778）執行董事及行政總裁李澄明（圓圖）將會喺6月尾退任，佢話準備會合一班中學同學到美國黃石公園旅遊，中途去日本行吓。佢噚日喺傳媒午宴講明自己喺旺角出世同讀書，亦睇住旺角朗豪坊做起，無感情就假。講開又講，佢話家搞商場一定要好玩，仲要「雪糕不能少」，兼睇埋「歡樂指數」，令入場遊客歡歡喜喜，而喺商場裏面嘅舖頭，仲要係「Adrian Lee（李嘅洋名）買唔到嘢嘅舖頭」至啱，保證係潮客心水。


指商場同事好多只廿幾歲

佢又試過落公司office，見搞商場班同事好多只得廿幾歲，個個唔單止全部識韓文，仲鬼咁有生氣，終日咦嘩鬼叫