貿發局50周年 助港商線上線下結合

【明報專訊】不知不覺原來貿發局今年已經50周年，呢個公營機構一直都猛人如雲，好似安子介、鄧蓮如、馮國經、吳光正就曾經係主席，總裁方面亦有施祖祥、林天福。現任總裁亦都係貿發局首名女總裁方舜文，噚日就同成班記者見面，講吓50周年會有咩活動。


方舜文話，50周年會以「飛躍五十載 同行創商機」為題，由5月舉行嘅創業日作為50周年慶祝活動序幕，12月初舉行的國際中小企博覽做壓軸，除咗設立50周年網頁之外，旗下設計廊亦會有購物優惠，另外仲會有「愛自拍．港故事」活動，歡迎大家自拍可以代表香港企業精神嘅相，再上傳到50周年網頁。方舜文又提到，近年流行所謂線上線下結合，即線下實體展示加網上購物交易模式，所以貿發局都要為港企開路，未來會加強同內地網購平台線上線下合作，推廣本港產品。


[小琴密語]