新聞類別
財經
詳情#
【明報專訊】吳局長申請10億港元作為一帶一路基金，真的是一鳴驚人，無論政府自己友，反對友都不同意，曾主席更加話基金唔接地氣，即是話離地，吳局長見到這樣情况，立刻對記者解釋，佢唔係想要10億，只不過想每年要3500萬元，所以申請10億元，希望回報有3.5%，每年便可以有3500萬元，毋須每年向政府申請咁麻煩。
大家可能唔明白局長苦心，因為每年申請，隨時會遇到議員打拉布戰而延誤，所以，一次過申請，免得日後麻煩，但吳局長可能唔了解，管理10億元基金是需要一個團隊，每年使費最少要基金總額2%，並且不保證有3.5%回報。
10億申請必遭否決
如果遇上索羅斯等大鱷追擊，唔好講回報，仲分分鐘會輸入肉，如果唔覺意買入類似累積期權產品，除了輸入肉之外，還會要政府上身，吳局長今次一次過申請一帶一路基金，令人懷疑局長對政府的財政沒有信心，唔知道政府日後仲有冇錢畀，倒不如以分身家的心態申請，其實，10億元基金日後就會變成一個小金庫，誘人犯罪，不過，我寫都是多餘，10億元基金一定不會通過立法會，即使批准，最多都是3500萬元，既然結果是可以預料，何不只是申請3500萬元，現在就毋須向外界解釋。
我相信局長是向撒馬利亞基金學習，如果我沒有記錯，曾蔭權同CY兩位特首已經撥了400億給撒馬利亞基金，但所做何事大家又不得而知，連揸莊人係邊個都唔知，倘若回報有3.5%，每年都有14億元，咁多錢點使，吳局長不如向撒馬利亞基金申請仲實際，區區3500萬元，只佔基金每年回報2.5%，揸fit人應該唔會托手踭。
不過，局長今次申請一帶一路基金，可能辣着班立法局議員，要查撒馬利亞基金盤帳，睇下每年有冇3.5%回報，撒馬利亞基金今次畀局長累死，但我認為有沒有3.5%回報都沒有問題，如果輸入肉就要解釋。
紀惠集團行政總裁
[湯文亮 敢說亮話]
大家可能唔明白局長苦心，因為每年申請，隨時會遇到議員打拉布戰而延誤，所以，一次過申請，免得日後麻煩，但吳局長可能唔了解，管理10億元基金是需要一個團隊，每年使費最少要基金總額2%，並且不保證有3.5%回報。
10億申請必遭否決
如果遇上索羅斯等大鱷追擊，唔好講回報，仲分分鐘會輸入肉，如果唔覺意買入類似累積期權產品，除了輸入肉之外，還會要政府上身，吳局長今次一次過申請一帶一路基金，令人懷疑局長對政府的財政沒有信心，唔知道政府日後仲有冇錢畀，倒不如以分身家的心態申請，其實，10億元基金日後就會變成一個小金庫，誘人犯罪，不過，我寫都是多餘，10億元基金一定不會通過立法會，即使批准，最多都是3500萬元，既然結果是可以預料，何不只是申請3500萬元，現在就毋須向外界解釋。
我相信局長是向撒馬利亞基金學習，如果我沒有記錯，曾蔭權同CY兩位特首已經撥了400億給撒馬利亞基金，但所做何事大家又不得而知，連揸莊人係邊個都唔知，倘若回報有3.5%，每年都有14億元，咁多錢點使，吳局長不如向撒馬利亞基金申請仲實際，區區3500萬元，只佔基金每年回報2.5%，揸fit人應該唔會托手踭。
不過，局長今次申請一帶一路基金，可能辣着班立法局議員，要查撒馬利亞基金盤帳，睇下每年有冇3.5%回報，撒馬利亞基金今次畀局長累死，但我認為有沒有3.5%回報都沒有問題，如果輸入肉就要解釋。
紀惠集團行政總裁
[湯文亮 敢說亮話]
留言 (0)
