新聞類別
副刊
詳情#
【明報專訊】每年到咗統一派位嘅日子，Mama一定坐定定喺電視前睇新聞，除咗因為想了解獲派首三個志願學校嘅人數比率，仲想睇下啲家長嘅表現，一如以往，派到地區名校嘅要幾歡欣有幾歡欣，派咗去第十幾志願呢，要幾憤怒就有幾憤怒，啲反應仲好睇過台慶表演。
今年29,243個參加小一入學統一派位學童中，有20,162獲派首三個志願學校，都算係一個唔錯嘅比例，比較去年仲微升0.8個百分點。Mama朋友當中有唔少人都收到滿意嘅結果，但係仍然有小部分家長嘅仔女派得好差，有啲被派去第十幾志願，甚至派咗去唔係自己住嘅校網，真係喊得一句句。但係Mama覺得呢個時候唔應該再質疑佢哋份表填得幾唔啱，而係畀啲有用資訊同鼓勵佢哋，因為呢班家長喺嚟緊呢一個月可以做嘅就係爭取時間帶小朋友叩門，希望畀返個選擇權自己，祈求有間比較合心水嘅學校可以收小朋友。
Mama都有朋友呢輪已經同小朋友申請咗7、8間學校叩門，不過家仲係等面試同等結果，非常焦慮。Mama決定幫人幫到底，問下升學專家Uncle Dos仲有乜可以做。Uncle Dos話大家先要明白每間學校叩門學額有限，只係包括學校預留嘅留班位同其他放棄註冊學位嘅學額，可見成功機會真係一般，所以家長需以平常心去參與。Mama又問，如果叩門成功獲取錄，咁我可唔可以一邊先留住位，一邊再等其他學校嘅結果？Uncle Dos就話，「成功叩門人士，只需到新校註冊，然後到早前已註冊的小學辦退學手續，取回其小一註冊證，然後交去新校。若有其他學校給予offer，重複上述程序便可。此舉程序雖然十分繁複和費時，但可避免學位資源被濫用」。
成績出眾 再思轉校
咁如果連叩門都失敗，又可以點呢？Uncle Dos提醒大家，既然有註冊學校在手，就應該平常心去等待叩門結果。「若孩子將來的成績是出眾的話，用成績來轉校是更可行的辦法，但家長需考慮孩子學習成長環境轉變而帶來的心理衝擊。叩門程序及手續多多，家長亦需珍惜這個沒有學習壓力的最後暑假，共叙天倫。」
今年29,243個參加小一入學統一派位學童中，有20,162獲派首三個志願學校，都算係一個唔錯嘅比例，比較去年仲微升0.8個百分點。Mama朋友當中有唔少人都收到滿意嘅結果，但係仍然有小部分家長嘅仔女派得好差，有啲被派去第十幾志願，甚至派咗去唔係自己住嘅校網，真係喊得一句句。但係Mama覺得呢個時候唔應該再質疑佢哋份表填得幾唔啱，而係畀啲有用資訊同鼓勵佢哋，因為呢班家長喺嚟緊呢一個月可以做嘅就係爭取時間帶小朋友叩門，希望畀返個選擇權自己，祈求有間比較合心水嘅學校可以收小朋友。
Mama都有朋友呢輪已經同小朋友申請咗7、8間學校叩門，不過家仲係等面試同等結果，非常焦慮。Mama決定幫人幫到底，問下升學專家Uncle Dos仲有乜可以做。Uncle Dos話大家先要明白每間學校叩門學額有限，只係包括學校預留嘅留班位同其他放棄註冊學位嘅學額，可見成功機會真係一般，所以家長需以平常心去參與。Mama又問，如果叩門成功獲取錄，咁我可唔可以一邊先留住位，一邊再等其他學校嘅結果？Uncle Dos就話，「成功叩門人士，只需到新校註冊，然後到早前已註冊的小學辦退學手續，取回其小一註冊證，然後交去新校。若有其他學校給予offer，重複上述程序便可。此舉程序雖然十分繁複和費時，但可避免學位資源被濫用」。
成績出眾 再思轉校
咁如果連叩門都失敗，又可以點呢？Uncle Dos提醒大家，既然有註冊學校在手，就應該平常心去等待叩門結果。「若孩子將來的成績是出眾的話，用成績來轉校是更可行的辦法，但家長需考慮孩子學習成長環境轉變而帶來的心理衝擊。叩門程序及手續多多，家長亦需珍惜這個沒有學習壓力的最後暑假，共叙天倫。」
留言 (0)
