王文彥周四發炮？

【明報專訊】因為重啟上市大計，令中原集團兩個老闆施永青同王文彥（圖）之間嘅不和浮晒上面。之前施永青就王文彥三大上市條件逐點反駁，對於王文彥要求同自己每年輪流做主席，施永青話現代管理模式係有能者居之！唔知王文彥係咪聽到㷫㷫哋，所以諗住周四（16日）見傳媒澄清，小琴都買定花生，場戲隨時好睇過歐洲國家盃。


為咗上市，施永青嚿年叫番王文彥入董事局，王文彥提出三大上市條件：一，應該先畀中原（中國）喺香港上市，再考慮中原（香港）上市；二，上市前成立控股公司，兩個人每年輪流任主席；三，中原3名股東之一黃偉雄嘅股權買賣條款未傾好，中原（香港）唔可以貿然上市。搞成咁，中原上市睇怕無乜可能，唔知到時王文彥見傳媒又想講乜呢？


email: piano@mingpao.com

[小琴密語]