陳秋霞作曲 彭羚林志美開金口 星級生日歌賀民生書院90歲

【明報專訊】位於九龍城嘅地區名校民生書院，原來今年創校90年，為咗隆重其事，請到唔少音樂界著名校友為學校整咗首90周年主題曲《光與生命》。呢首歌真係唔可以睇小，由金馬獎影后兼創作《一點燭光》嘅音樂才女陳秋霞作曲、新晉作詞人王仲傑作詞，並由久未露面嘅彭羚、林志美，以及張崇基張崇德兄弟同羅力威合唱，林嘉欣老公袁劍偉等執導MV，蕭潮順任製作人，錄製就由中電發展總裁莊偉茵統籌，當中星光熠熠，牌頭不比傳統名校弱。


26號校慶MV首播

除咗演藝界，民生書院都出產過唔少教育界同商界名人，例如1970年代港大首任華人校長黃麗松、已故麗新集團主席林百欣、指揮家葉詠詩，仲有近期話可能參選立法會嘅香港電視主席王維基