田少：自由黨盼取8席

【明報專訊】自由黨榮譽主席田北俊（田少）噚日喺立法會會議廳外，宣布正考慮同青年團主席李梓敬合組名單，喺9月立選出戰新界東，但就由李梓敬排第一，自己排第二「抬轎」。田少自白同回應傳媒，足足講咗40分鐘，仲帶埋派地區嘅工作報告。田少話如果自由黨9月選舉只能維持5席，就做唔到政府同泛民之間嘅「和事老」，亦難以令政府不再「一言堂」，咁自己留喺議會都無意思，故希望攞到7至8席。佢強調呢張新東名單有機會攞晒兩席，成功與否就交畀選民決定。