「鯊魚」抗議 促國泰停運魚翅產品

【明報專訊】近年多咗人關注保育鯊魚，唔少人婚宴都開始唔食魚翅。香港快運上星期宣布禁運魚翅，噚日一班身穿鯊魚服裝嘅環保人士就去咗國泰航空嘅機場櫃位抗議，促請國泰都禁運所有鯊魚嘅產品。佢哋話每年有超過1億條鯊魚因為魚翅貿易而被殺，有一半魚翅仲直接運到香港。


雖然國泰4年前宣布過唔會接受託運「非可持續發展方式採購」嘅魚翅同鯊魚製品，要求付貨人要證明產品係嚟自可持續嘅來源，同埋有海洋管理委員會驗證，不過佢哋就認為鯊魚副產品根本達唔到可持續發展。