林健鋒爸爸黃膠鴨免費借郵署

【明報專訊】香港郵政6月8日會發行以「香港玩具——1940 至1960 年代」為題嘅特別郵票同集郵品，郵票設計包括有黃膠鴨圖案及鴨仔郵印。黃膠鴨其實喺經民聯林健鋒嘅爸爸林亮喺上世紀40年代嘅傑作。林健鋒（圖）話香港郵政發行前都有搵佢哋商量，佢哋當然樂意見到用黃鴨圖案做郵品，無諗過版權費等問題。林健鋒仲話，打算郵票發行時買番一批送畀親友，仲講明係真金白銀去買，就算借出黃鴨都無優惠喎。


今次嘅懷舊玩具郵票，一套6張郵票賣18.6元；6款郵票面值1.7元至5元不等，另有附玩具嘅紀念套摺，售價75元。