中電信新老總：從此要「抬頭睇路」

【明報專訊】中電信（0728）執行董事、董事長兼首席執行官楊杰噚日首次以「老細」身分出席股東大會，令今年股東會即刻有新意思，場外準備晒啤啤熊同西餅（圖），寫明「送你一點甜」嚟冧股東，話要分享「『甜』美成果」。


楊杰被問到對呢個新崗位有咩感覺，佢就話做董事長之前係「低頭拉車」，但係上咗位後，就要多啲「抬頭睇路」。好玄？佢意思即係以前要掛住執行職務，比較實戰啲，家就要識得睇風向，從而為集團訂好戰略。不過，楊杰上任無耐就面對重重難題，坦言業內競爭加劇，加上中國廣電獲發電信業牌照，承認會對中電信有壓力，又話集團唯一方法要令自己壯大。答得咁宏觀，果然係做老細嘅人才。


[小琴密語]