人工高過奧巴馬 馮煒光續約1年

【明報專訊】新聞統籌專員馮煒光自2013年底上任以嚟，薪金一直「扶搖直上」，早前外界關注下月約滿嘅佢有無得續約，馮煒光噚日同Emily證實已經簽約續約一年，換言之，馮嘅任期同特首梁振英今屆任期完結日子相近。


曾自喻「白宮發言人」嘅馮煒光，2014/15同2015/16年度嘅年薪分別係274萬同296萬元，佢2016/17年度嘅薪金連約滿酬金更達到383萬，比起真正白宮話事人、美國總統奧巴馬2015年嘅44萬美元（約342萬港元）年收入仲要高。


55歲嘅馮煒光曾經係民主黨員，但因為喺2012年應徵做梁班子嘅副局長，其後退黨，翌年獲委任為新聞統籌專員。馮煒光幫梁振英處理公關事宜，但就發生過唔少「公關災難」，引嚟唔少批評。