蓋鳴暉憂市道差影響善款

【明報專訊】蓋鳴暉、吳美英、保良局主席郭羅桂珍及總理鄧宣宏雁等昨日出席保良局慈善粵劇晚會《天賜良緣》活動。蓋鳴暉與保良局合作逾廿年，很開心當晚有部分總理會粉墨登場參與，各人會搵贊助，望令善款增加。對於市道差會否影響善款？蓋鳴暉說：「絕對擔心，但擔心歸擔心，人要繼續行，擔心更加要做得好，我的宗旨就是保持質素，觀眾始終會揀高質素劇團，錢只得咁多，要看放在哪裏，加上慈善節目是強心針，令大家同心協力，香港經濟是差，知道善款是比往年弱，就算弱都繼續籌備，發訊息及打電話問有心人士，若不行出一步去問，連一毫子都無，要攞得一蚊得一蚊，一百得一百，盡自己的責任，希望大家多多支持。」鄧宣宏雁表示粵劇很值得推廣，是本土文化，會盡量去學聽。


記者：梁榮達