陳恒鑌化身Ben sir 解讀馬英九呃Like

【明報專訊】台灣總統馬英九卸任前上載一段短片，大玩自嘲回應網民喺佢facebook嘅留言，上載10個鐘已有逾340萬瀏覽次數。民建聯陳恒鑌就利用人氣短片呃like，化身Ben sir解讀馬英九嘅說話，「神馬是逆轟高灰？」阿Ben話，「逆轟高灰」係台灣網上潮語，首次聽嘅朋友會摸不着頭腦，其實係年前台灣總統大選第一場辯論，馬英九一時激動講﹕「讓我蓄積更大的勇氣跟能量，帶領台灣人民逆『轟』高『灰』」，馬嘅原意其實係想講「逆風高飛」。


阿Ben話，講錯嘢同發音係小事一樁，但作為政治人物或公眾惹火人物，就會變成大眾嘅熱論題材，加上網民創意無限，好快就會借嚟惡搞一番，成為潮文潮語。