卿姐遺失張德江酒會邀請函

【明報專訊】泛民主派4名立法會議員，包括民主黨主席劉慧卿（圖）、公民黨黨魁梁家傑、工黨何秀蘭，以及衛生服務界立法會議員李國麟，今日會同全國人大委員長張德江喺小範圍酒會中見面。不過，卿姐噚日喺「泛民會議」記者會上自爆瘀事，原來佢唔見咗張酒會邀請函，仲話唔知係咪唔小心掉咗，所以要打電話畀特首辦主任邱騰華求助。張德江訪港保安咁嚴密，卿姐苦笑話無邀請卡可能無得去，「拎唔到張卡，就係咁先」。


李國麟整牙 被笑「夠牙力」

李國麟噚日見完牙醫整牙就趕去記者會，被泛民議員笑佢要夠牙力去見張德江。李國麟講笑話除咗整靚棚牙，仲會剪個靚髮同化埋妝先去見張德江。