民建聯籲少玩手機多陪仔女

【明報專訊】政黨喺大時大節都會落區派吓小禮物，接觸街坊，今年係選舉年，政黨更用不同名義落區，噚日「國際家庭日」，民建聯成班議員亦分別落區宣傳，立法會議員梁志祥、何俊賢等就呼籲吓平時成日做「低頭族」嘅港人，放低手機1小時，陪伴仔女多1個鐘；又用氣球佈置等市民可以影相，何俊賢（左起）、民建聯副主席周浩鼎同梁志祥就齊齊拎電話留影，寓意放低手機。


而律政司長袁國強、副民政事務局長許曉暉，噚日就出席香港律師會舉辦嘅同樂日，等律師會成員同佢哋嘅屋企人，趁國際家庭日齊齊玩番一日。


（何俊賢facebook圖片）