新聞類別
財經
詳情#
【明報專訊】話說我們做股票這一行的，很多時都有團結互助的精神，也很講口齒。有時候，一位行家來電叫你接一接貨，通常都會答允。有一次，某位莊家甚至同我說﹕「我同阿邊個接咗4000萬貨，點知佢玩失蹤，遲咗兩天交收，嬲到我震。」
我奇怪地說﹕「喂，你同阿邊個唔多啱㗎噃！」
他說﹕「有個friend做介紹人，算啦，當幫吓人啦。」
我們守望相助的精神，可見一斑。
又話說有另外的一位著名莊家，打電話給某人，買了一些股票，事後居然不認數，這位某人當然是㷫過火屎，四圍唱這位無良莊家，講嘢不認數，輸了他100多萬元。
我作為知道內情的人，當朋友問起時（其實好多人都問過，因為兩位當事人都非常活躍），我的回答是﹕「這位莊家當然不是好人，常常楝人當食生菜，不過他叫某人買股票，當日收市無報數，T+2又無報數，到隻股票跌了下來，才去呱呱嘈，說要補回差價，咁阿莊家梗係話你輸打贏要，不肯賠錢啦！」
朋友想了一想，說﹕「咁阿某人又確係蠢了點，也可能是貪心所致。」
我說﹕「所以做呢行，一定要有規有矩，我同呢位莊家做嘢，次次都交收清楚，無吃過虧，重次次都有幾個巴仙利潤"口添"！無他，我夠均真，從來唔偷跳，也從來無落格，夠老實吖嘛！」
朋友說﹕「吓，你都叫老實？」
我說﹕「睇對邊個啦，我是偷跳的老祖宗，有得偷跳就梗偷，有得落格就梗係落。但對呢位莊家，邊個想出蠱惑死邊個，係我知佢手法，死都唔畀佢有位入。」
[周顯 投資二三事]
留言 (0)
