裙帶經濟 中國全球排11

【明報專訊】呢個年頭個個都話「成功需父幹」，果然不假。經濟學人最新公布咗一項「全球裙帶資本主義指數或親信主義指數（Crony Capitalism Index）」，覆蓋咗22個國家，當中最靠裙帶關係嘅國家…係，你估錯嘞，第一係俄羅斯，至於中國就排第11名，香港無獨立排名，相信都係被歸納入中國一併計算。


中國「裙帶財富」2.8萬億

個調查準唔準就唔知，不過份文件提到，家中港兩地擁有世界上最多嘅「裙帶財富」，有成2.8萬億港紙；又話如果將所有中國億萬富翁嘅財富都被歸類為「尋租（rent-seeking）」，即係不事生產但又壟斷社會資源兼攞盡利益，中國嘅排名會躍升去到第5名咁話喎（咁都係第5咋！）。


經濟學人話，今次個指數淨係囊括所有報稱財富超過10億美金嘅富豪，但其實仲有好多資產未夠10億美金，而又靠裙帶關係上位嘅富翁存在，當中有唔少喺中國；而且中國各行各業嘅億萬富翁都係依靠黨嘅照顧（party's blessing）