人力製表格 要求CY自證身分

【明報專訊】特首梁振英（CY）前日去信邀請立法會議員，出席下周三舉行同全國人大委員長張德江嘅晚宴，不過邀請函內容要求多多，包括要嘉賓提供身分證號碼、相片等個人資料。一早表明拒絕出席嘅人民力量陳偉業同陳志全，噚日就「反客為主」大玩特首辦，回信要求對方填寫確認身分嘅表格，並要貼上近照、填上國籍等個人資料，證明邀請函係由梁振英發出。


人力話，過去多年特首辦嘅邀請函只需賓客選擇係咪出席宴會，認為今次要求個人資料嘅手法，同近期電話騙案極為相似，懷疑有人冒發。咁如果特首辦真係回信確認，佢哋又會唔會出席？人力就話要等接獲主辦方回覆後再決定。