港四川賑災剩1.9億 助重建臥龍

【明報專訊】2008年四川汶川大地震後，香港各界慷慨捐輸協助災後重建，單係政府連同香港賽馬會就捐咗100億港元，援建190個項目，政務司長林鄭月娥噚日就率80名官員及重建項目義工到成都，訪問當地及總結特區參與四川援建工作，林鄭噚日同當地官員見面交流及與省長尹力會面。佢見記者時，有記者就問主理災後重建嘅前省長魏宏，最近因違反黨紀要「反省思過」被降級一事，點知問題都未問完，林鄭就火速回答，「這個不關我們事，我們不評論這些問題」。


Emily關心賑災工作進展，災後8年，林鄭話目前尚有兩個非常艱巨嘅公路項目將會喺今年底先竣工，又話完成審計後，有1.9億元人民幣剩餘資金。不過，呢筆資金唔會退還畀香港人，林鄭話佢噚日出席嘅簽署協議，就係將全數1.9億人民幣都投放喺3個有關臥龍自然保護區嘅項目，話咁係屬於優化特區政府喺重建臥龍呢個自然保護區嘅工作。