新聞類別
財經
詳情#
【明報專訊】政商圈子近日最多人討論嘅話題，當然係人大委員長張德江將會喺兩星期後訪港，出席「一帶一路」高峰論壇。呢個所謂高峰論壇，講者嘅卡士其實無乜特別，張德江雖然係領導人，但負責主管人大工作，搵佢為「一帶一路」論壇主禮，實在頗為不倫不類。但花生友都好少理，皆因大家只係關心領導人會有乜信息發放，最可憐係班論壇講者，全部變晒「大茄」。
近年每次有領導人訪港，都因為保安安排搞出個大頭佛，最經典當然係李克強喺2011年訪港期間引發連串風波，仲搞到港大要立案調查，在左派眼中變咗反中亂港陣地。該次之後，如非必要（如2012年換屆），就再無領導人願意來香港做騷，費事做騷變爛騷，領導人不單止攞唔到彩，隨時仲要面懵收場。
一帶一路峰會 講者變大茄
貿發局今次搞呢個「一帶一路」峰會，其實一早已經有宣傳，但因為無乜焦點，一直無人留意。特區政府上月中宣布張德江將會來港，隨即引起一陣混亂，最混亂當然係灣仔會展。每次有領導人出巡，必然要跟足一套極嚴格嘅保安要求，會展內同一時間舉行嘅活動無可避免會受到波及，其中一個雲端科技展覽，就被迫移師大嶼山嘅亞洲博覽館，有參展商不滿決定退場，會展方面除咗道歉仲要賠錢，好彩主辦單位都算斯文，無出動律師索償，否則領導人出巡搞到要打官司，都唔方會好睇。
秘書黨先開路 政圈忙收風
領導人出巡，先頭部隊一定會預先出發，而呢班大哥大姐本身都有身分，大部分係秘書黨，來到香港自然有人懂得主動招呼。聽講最近兩個星期，先頭部隊已開始在香港陸續見人食飯，話題離不開香港政治，以及明年嘅特首選舉。
有見及此，挺梁圈子最近頗為活躍，希望發動更多愛國愛港人士，在先頭部隊面前美言幾句，另一方面又抹黑潛在對手，希望可以在領導人來港前營造對自己有利嘅良好氣氛，但試問今時今日又有幾多人願意為梁特背書？加上「行李門」事件一直無法平息，愛國愛港圈子與其冒險挺梁，不如專心聽下班先頭部隊有冇內幕貼士，等佢哋可以在未來幾個月，更加準確落注。
有「飛天朱」之稱的前港區人大朱幼麟，昨日召開最「癲」記者會，不惜以刀架頸，說服大家相信今天香港的問題，不是年輕人的問題，是一位成年人出了問題，其間不忘勸告年輕人別搞港獨，堅定顯示自己是老愛國。
「飛天朱」高調論政 發人深省
雖然老朱因口水過多而令爆料效果大減，但他指出香港愈來愈多人把愛國商業化，不理黑白胡亂咒罵北京不鍾意的人，只會禍港幫倒忙，這實在發人深省！
[應正亮 廿四味]
近年每次有領導人訪港，都因為保安安排搞出個大頭佛，最經典當然係李克強喺2011年訪港期間引發連串風波，仲搞到港大要立案調查，在左派眼中變咗反中亂港陣地。該次之後，如非必要（如2012年換屆），就再無領導人願意來香港做騷，費事做騷變爛騷，領導人不單止攞唔到彩，隨時仲要面懵收場。
一帶一路峰會 講者變大茄
貿發局今次搞呢個「一帶一路」峰會，其實一早已經有宣傳，但因為無乜焦點，一直無人留意。特區政府上月中宣布張德江將會來港，隨即引起一陣混亂，最混亂當然係灣仔會展。每次有領導人出巡，必然要跟足一套極嚴格嘅保安要求，會展內同一時間舉行嘅活動無可避免會受到波及，其中一個雲端科技展覽，就被迫移師大嶼山嘅亞洲博覽館，有參展商不滿決定退場，會展方面除咗道歉仲要賠錢，好彩主辦單位都算斯文，無出動律師索償，否則領導人出巡搞到要打官司，都唔方會好睇。
秘書黨先開路 政圈忙收風
領導人出巡，先頭部隊一定會預先出發，而呢班大哥大姐本身都有身分，大部分係秘書黨，來到香港自然有人懂得主動招呼。聽講最近兩個星期，先頭部隊已開始在香港陸續見人食飯，話題離不開香港政治，以及明年嘅特首選舉。
有見及此，挺梁圈子最近頗為活躍，希望發動更多愛國愛港人士，在先頭部隊面前美言幾句，另一方面又抹黑潛在對手，希望可以在領導人來港前營造對自己有利嘅良好氣氛，但試問今時今日又有幾多人願意為梁特背書？加上「行李門」事件一直無法平息，愛國愛港圈子與其冒險挺梁，不如專心聽下班先頭部隊有冇內幕貼士，等佢哋可以在未來幾個月，更加準確落注。
有「飛天朱」之稱的前港區人大朱幼麟，昨日召開最「癲」記者會，不惜以刀架頸，說服大家相信今天香港的問題，不是年輕人的問題，是一位成年人出了問題，其間不忘勸告年輕人別搞港獨，堅定顯示自己是老愛國。
「飛天朱」高調論政 發人深省
雖然老朱因口水過多而令爆料效果大減，但他指出香港愈來愈多人把愛國商業化，不理黑白胡亂咒罵北京不鍾意的人，只會禍港幫倒忙，這實在發人深省！
[應正亮 廿四味]
留言 (0)
