經民聯為張華峰神秘慶生

【明報專訊】立法會正審議財政預算案，經民聯一班議員噚日就忙裏偷閒，為幾日前64歲生日嘅黨友、金融服務界議員張華峰（右三）搞神秘慶生派對。張華峰話生日願望係希望經民聯黨務繼續發展，佢哋幾個立法會議員亦為香港經濟發展繼續努力！


黨友林健鋒（左三）就好了解張華峰鍾情港交所（388），佢笑言張華峰生日願望應該係希望388快啲升到388蚊喎，如果呢個願望成真，相信唔單止張華峰，連股民都會好開心。